Ўзини ўзи республика деб эълон қилган Луганск ва Донецк халқ республикалари ҳукумати 19 сентябрь куни зудлик билан Россияга қўшилиш бўйича референдум ўтказишни таклиф қилди. Херсон вилоятининг Россия назоратидаги маъмурияти ҳам шундай референдум ўтказишни «аҳоли истаётгани» ҳақида маълум қилган. Донецк мери Алексей Кулемзин Украина ҳарбийлари томонидан шаҳарнинг ўққа тутилиши оқибатида 13 киши ҳалок бўлганини маълум қилди. ЛХР Олий суди Европада Хавфсизлик ва ҳамкорлик ташкилотининг икки ходимини ватанга хиёнатда айбдор деб топиб, 13 йилга озодликдан маҳрум қилди. Украинанинг «Энергоатом» компанияси Россия ҳарбийларини Николаев вилоятидаги Жанубий-Украина атом электр станциясини ўққа тутганликда айблади. Meduza урушнинг 208-кунидан асосий фотосуратларни жамлади.
Донецкнинг ўққа тутилиши
Ўққа тутилиб, ҳалок бўлган донецклик одамнинг жасади. Донецк мери Алексей Кулемзин 19 сентябрь куни Куйбишев туманининг ўққа тутилиши оқибатида 13 киши ҳалок бўлганини айтди. Украина Қуролли кучлари бу маълумотга изоҳ бермади.Фото: «ТАСС»
Шифокор Куйбишев тумани ўққа тутилганидан кейин ҳалок бўлган фуқаронинг жасадини текширмоқда.Фото: Anadolu
Донецк аҳолиси вакиллари ҳужум оқибатида синган ошхона ойналарини ёғоч қириндисидан бўлган плиталар билан ёпмоқда.Фото: Anadolu
Харьков вилояти озод қилинганидан кейин аҳоли Троицкое қишлоғига қайтмоқда
64 ёшли Олга Украина Қуролли Кучларининг қарши ҳужуми пайтида озод қилинган Троицкое қишлоғига қайтиб, 80 ёшли синглиси Галина билан кўришмоқда. Олга ярим йил Троицкоедан узоқда яшади — бу вақтда минтақа Россия босқини остида эди.Фото: AFP
Уйига қайтган Олга (ўнгда) ва унинг қариндошлари Украина мадҳиясини куйламоқда.Фото: AFP
Троицкое қишлоғида яшовчи 58 ёшли аёл Россия истилоси даврида уйида сақлаган Украина байроғини кўрсатмоқда. Байроқдаги дастхатлар қишлоқни озод қилган Украина Қуролли Кучлари ҳарбийлари томонидан қолдирилган.Фото: AFP
Изюм жанглардан кейин
Изюм шаҳрида яшовчи фуқаро велосипедда ўққа тутилган бино ёнидан ўтмоқда. Изюм шаҳар кенгаши раиси Максим Стрелниковнинг айтишича, Россия истилоси пайтида Изюмнинг камида минг нафар тинч аҳолиси ҳалок бўлган, шаҳар инфратузилмасининг 80 фоиздан ортиғи вайрон бўлган. Ҳокимиятнинг асосий вазифаларидан бири иситиш тизмини тиклаш бўлиб қолмоқда.Фото: EPA
Украина армиясининг қарши ҳужуми пайтида ташлаб кетилган рус қўшинлари позицияси.Фото: EPA
Изюмда зарба теккан уй вайроналари остидаги мажақланган машиналар.Фото: EPA
Изюмдаги эксгумация
Изюмлик аёл март ойида шаҳарнинг ўққа тутилиши пайтида ҳалок бўлган эрининг қабри устида йиғламоқда.Фото: Anadolu
Эксгумация ўтказадиган мутахассислар ишни бошлашга ҳозирланмоқда. Изюм прокурори Александр Филчаковнинг сўзларига кўра, шаҳар Россия ишғолидан озод қилинганидан сўнг 445 нафар тинч аҳоли кўмилган яна бир оммавий қабр топилган. Айрим жасадларда қийноқ излари мавжуд.Фото: Getty Images
Изюмдаги оммавий қабр. Ишғол пайтида ҳалок бўлган шаҳар аҳолисининг жасадларини эксгумация қилиш давом этмоқда.Фото: Anadolu
Изоҳ (0)