АҚШда ипотека ставкалари 2008 йилдан бери энг юқори даражага чиқди

Freddie Mac давлат ипотека корпорацияси маълумотларига кўра, ўтган ҳафтада АҚШда узоқ муддатли ипотека бўйича ставкалар 2008 йилдаги молиявий инқироздан кейин биринчи марта 6 фоиздан ошди. Бу ҳақда «Интерфакс» хабар бермоқда.

30 йиллик ипотека кредитлари бўйича ўртача фоиз ставкаси якунланган ҳафтада 6,02 фоизгача кўтарилди. Бу кўрсаткич бир ҳафта олдин йиллик 5,89 фоиз ва бир йил олдин 2,86 фоиз эди.

Бунда 500 минг долларлик уйни 100 минг доллар бошланғич тўлов ва қолган қисмини 6,02 фоиз ипотека билан сотиб олиш, ўртача 30 йил давомида кредит бўйича фоизлар учун 465 минг доллар тўлашни англатади. 

Бир йил олдин, ипотека бўйича ортиқча тўлов тахминан 200 минг долларни ташкил қилган бўлар эди.

Шунингдек, 15 йил муддатга кредитлар бўйича ўртача ставка 5 бараварга ошиб, 5,21 фоизни ташкил этди.

Freddie Mac бутун мамлакат бўйлаб тахминан 80 та ипотека кредиторларининг маълумотлари асосида ўртача ставкаларни ҳисоблаб чиқади. 

Аввалроқ АҚШнинг нефть захиралари 1984 йилдан бери энг паст даражага тушиб кетган эди.