Telegram янгиланди: Premium эможилардан энди ҳамма фойдаланса бўлади
Telegram жамоаси илованинг янги версиясини тақдим қилди.
Месенжер аввалги янгиланишида эможилар билан боғлиқ бир қатор ўзгаришларни тақдим этган эди. Бу сафар эса эможилар янада такомиллаштирилди.
Чексиз реакциялар
Энди барча фойдаланувчилар аввал фақат Telegram Premium’да ишлатиш мумкин бўлган эможилардан фойдаланиши мумкин.
Кўплаб янги эможиларни кўриш қулай бўлиши учун янгиланган реакцияларни танлаш менюсини энди кенгайтириш мумкин. Тез-тез фойдаланиладиган реакциялар рўйхат юқорисида чиқади.
Telegram Premium обунасига эга фойдаланувчилар реакция сифатида нафақат стандарт, балки минглаб муаллифлик эможиларидан бирини танлаши мумкин.
Чексиз турли-туман эможилардан биттасини танлаш осон бўлмайди, шунинг учун энди Premium фойдаланувчилар 3 тагача реакция юбориши мумкин.
Реакцияларга киритилган ушбу ўзгаришлардан ҳозирча гуруҳлар ва алоҳида чатларда фойдаланиш мумкин.
Админлар ўз гуруҳларида махсус реакциялардан фойдаланишга рухсат бериши ёки тақиқлаши мумкин.
Эможи статуслар
16 сентябрдан бошлаб Telegram Premium обунасига эга фойдаланувчилар ҳозир қандай кайфиятда экани ёки нима билан шуғулланаётганини билдириш учун исмлари ёнида акс этувчи анимацияли статусларни белгилаши мумкин.
Бу махсус статус чатлар рўйхати, гуруҳлар ва профилда Premium нишони ўрнини эгаллайди.
Турли Telegram мавзуларига мос келиши учун рангларини ўзгартирувчи 7 та стандарт статусдан ёки чексиз сондаги махсус эможилардан бирини танлаш мумкин.
Иш, уйқу, саёҳат ва бошқалар учун оммабоп тавсиялар юқорида акс этади.
Статусни ўзгартириш учун чатлар рўйхати юқори қисмидаги Premium нишонини босиш ёки Созламаларга кириш лозим. Статусни муайян муддатга белгилаш учун эможини босиб туриш талаб этилади.
Очиқ эможилар платформаси барча учун очиқ. Унинг ёрдамида Premium фойдаланувчилар учун уникал қаҳрамонларга эга махсус тўпламларни юклаш мумкин.
Ҳисобга янада қулай кириш
Тез-тез ҳисобга кириб-чиқадиган фойдаланувчилар энди эмаил манзили, Apple ёки Google орқали кириш ёрдамида логин кодларини олиши мумкин.
iOS учун иловада Telegram ҳисобига кириш аллақачон Android фойдаланувчиларига таниш бўлган янги интерфейслар ва қувноқ анимациялар билан янада соддалаштирилди.
Янги фойдаланувчи номи ҳаволалари
Telegramда исталган оммавий @username манзили учун т.ме/усернаме кўринишидаги ҳавола ишлайди.
Уни Интернетда улашиш осон, демак, сиз юбораётган исталган киши оммавий профил, гуруҳ ёки каналингизга тезда кириши мумкин.
Энди ҳар бир фойдаланувчи номи усернаме.т.ме шаклидаги уникал ҳавола форматига эга. Бу исмини ажратиб кўрсатмоқчи бўлганлар (ёки / тугмасини топишга қийналаётганлар) учун мўлжалланган.
Android учун иловада юкланмаларга устуворлик бериш
Фаол юклаб олинаётган медиа ва файлларни Қидирув панелининг «Юкланмалар» саҳифасида ёки чатларингиз рўйхатида чиқадиган белгисини босиш орқали бошқариш мумкин.
Фойдаланувчилар юкланмалар тартибини устуворлигини ошириш ёки пасайтириш орқали ўзгартириши мумкин.
Бунинг учун керакли қаторни босиб туриш, кейин унинг ўрнини алмаштириш кифоя. Ҳар доим биринчи ўринда рўйхат бошидаги файл юклаб олинади. Бу функция iOS учун иловада аллақачон мавжуд эди.
Android учун иловада янги дизайн элементлари
Android учун иловада медиани очиш, ёпиш ва ўзгартиришда энди янги равон анимациялар ҳамроҳлик қилади.
Android 13 ёки ундан кейинги версиядаги қурилма эгалари телефонидаги тунги режим созламалари ва асосий рангга автоматик мосланувчи мавзули Telegram иконкасини танлаши мумкин.
