Henley & Partners Group дунёдаги энг кўп миллионерлар яшайдиган шаҳарларни эълон қилди.
Унга кўра, Нью-Йорк, Токио ва Сан-Франциско шаҳарларида энг кўп миллионерлар яшаши маълум бўлди.
Энг кўп миллионерлар яшайдиган 10 та шаҳарнинг ярми АҚШда жойлашган.
Шунга қарамай, маълумотларни диққат билан ўрганиш Нью-Йорк шаҳри 2022 йилнинг биринчи ярмида юқори даромадли шахсларининг 12 фоизини йўқотганини кўрсатди.
Сан-Францискода эса бу кўрсаткич 4 фоизга ўсган. Тўртинчи ўринни эгаллаб турган Лондонда 9 фоизга пасайиш кузатилган.
Ҳисоботда миллионерлар деганда инвестиция қилинадиган активлари 1 миллион доллар ва ундан ортиқ бўлганлар тушунилади.
New World Wеалтҳ разведка компанияси томонидан тўпланган статистик маълумотлар шуни кўрсатадики, Саудия Арабистонининг пойтахти Ар-Риёд ва Бирлашган Араб Амирликларининг учинчи энг зич шаҳри Шаржа жорий йилда миллионерлар сони энг тез ўсаётган шаҳарлардир.
Абу-Даби ва Дубай ҳам энг тез ўсаётган миллионер аҳолига эга шаҳарлар қаторига кирган.
Бунга БААдаги паст солиқ режими ва янги яшаш схемалари билан ўта бойларни ўзига жалб қилиши сабаб бўлган.
Бадавлат россияликларнинг эмиграцияси ҳам БААга бу кўрсаткични яхшилашга ёрдам берган.
Энг бой шаҳарлар рўйхатида мос равишда тўққизинчи ва ўнинчи ўринларни эгаллаган Пекин ва Шанхай ҳам йўқотишларни қайд этди.
Изоҳ (0)