Солиқ мобил иловасида янги имкониятлар пайдо бўлди

Солиқ мобил иловасининг янгиланган версияси тақдим этилди. Бу ҳақда Давлат солиқ қўмитаси хабар бермоқда.

Янгиланган версияда шахсий маълумотларни ҳимоя қилиш учун асосий саҳифада рўйхатдан ўтган фойдаланувчининг телефон рақами кўрсатилмайди (фақат ID-рақами кўрсатилади).

Барча мавжуд хизматлар 3 тоифага бўлинган:

• Умумий;
• Шахсий;
• Тўлов.

Ушбу тоифаларнинг ҳар бирида:

• тўлиқ ишга туширилган;
• ишлаб чиқиш жараёнидаги;
• яқин вақтларда режалаштирилган хизматлар акс эттирилган.

Энди Солиқ мобил иловасида:

• мамлакат ичидаги саёҳат учун кэшбэк олиш;
• солиқ қарзларини тўлаш;
• Штрих-кодни сканерлаш орқали Миллий каталогдаги маҳсулотлар ёки Маҳсулотлар ва хизматлар идентификация коди (МХИК) кодини билиб олиш мумкин.

Аввалроқ Ўзбекистонда товар ва хизматлар миллий католигининг янгиланган версияси ишга туширилгани ҳақида хабар берилганди.