Ижтимоий тармоқларда Марғилон шаҳридаги 16 ва 24-сон мактабгача таълим ташкилотларида болалар овқатдан заҳарлангани ҳақида хабарлар тарқалди. Ҳолат юзасидан Фарғона вилояти прокуратураси муносабат билдирди.
Аниқланишича, 14 сентябрдан 15 сентябрга ўтар кечаси Марғилон шаҳри тиббиёт бирлашмасига шаҳардаги 16-сонли мактабгача таълим ташкилотининг 12 нафар ҳамда 24-сонли мактабгача таълим ташкилотининг 5 нафар тарбияланувчиси алиментар диарея (номутаносиб овқатланиш оқибатида овқат ҳазм қилиш тизимининг бузилиши) бирламчи ташхиси билан ётқизилган.
Беморларнинг ҳолати қониқарли бўлгани туфайли 17 сентябрь куни шифохонадан чиқарилган. Мазкур ҳолат юзасидан ҳозирда шаҳар прокуратураси томонидан терговга қадар текширув ўтказилмоқда, экспертиза текшируви учун тегишли намуналар олиниб, суд-тиббий экспертизалари тайинланган.
Мавзуга доир:
Изоҳ (0)