Навоийда 17 ёшли йигит Lacetti’да одам уриб юбориб, воқеа жойидан қочиб кетди (видео)

Навоий вилоятининг Зарафшон шаҳрида Lacetti йўлдан ўтаётган пиёдани уриб юбориб,  қочиб кетди. Ҳолат акс этган видео ижтимоий тармоқларда тарқалди.

Вилоят ИИБ матбуот хизматининг маълум қилишича, ҳолат 14 сентябрь куни соат 13:02 да юз берган. Зарафшон шаҳрида яшовчи 2005 йилда туғилган, вояга етмаган Ж.Ў. отасига тегишли бўлган Lacetti’ни Марварид кўчаси бўйлаб бошқариб келиб, пиёдалар ўтиш йўлагидан йўлни кесиб ўтаётган пиёда Л.А.ни уриб юборган.

Оқибатда пиёда олган тан жароҳати туфайли Зарафшон Тиббий-санитария қисмининг жонлантириш бўлимига ётқизилган.

Қайд этилишича, ҳозирда мазкур ҳолат юзасидан Зарафшон шаҳар ИИБ ҳузуридаги тергов бўлими томонидан суриштирув ҳаракатлари олиб борилмоқда.

Мавзуга доир:

Қўқонда вояга етмаган бола Nexia’да 13 ёшли велосипедчини уриб юборди

Қашқадарёда Nexia-2 уриб юборган велосипедчи вафот этди (видео)