Ҳалок бўлган ва асирга тушган рус аскарлари, Зеленскийнинг ташрифи — озод қилинган Изюмдан илк суратлар эълон қилинди (фото)
Le Monde нашри озод қилинган Изюмдан илк кадрларни чоп этди — уларда рус аскарларининг жасадлари, шунингдек, асирликдаги ҳарбийлар кўрсатилган. 14 сентябрь куни Владимир Зеленский Украина Қуролли кучларининг муваффақиятли қарши ҳужуми пайтида қайтариб олинган Изюмга ташриф буюрди. Шаҳарда ҳалок бўлганларнинг жасадлари эксгумация қилинмоқда. Озод қилинган бошқа аҳоли пунктларида (Украина Мудофаа вазири ўринбосари Анна Малярнинг сўзларига кўра, Харьков вилоятида уларнинг сони 300 дан ортиқ) гуманитар ёрдам тарқатилмоқда ва Россия армияси қолдириб кетган нарсалар ўрганилмоқда. Meduza урушнинг 203-кунидан асосий фотосуратларни эълон қилди.
Изюмда асирга олинган россиялик аскар танкда украин аскарлари билан. Изюм — Украина Қуролли Кучларининг муваффақиятли қарши ҳужуми давомида озод қилинган Харьков вилоятидаги шаҳарлардан бири. Сурат 11 сентябрда олинган, бироқ 14 сентябрга келиб Le Monde журналида чоп этилган.Фото: Le Monde
Изюм йўлида ётган рус аскарининг жасади.Фото: Le Monde
Украина президенти Владимир Зеленский Изюмда. «Сиз давлатимиз ҳудудини вақтинча эгаллаб олишингиз мумкин. Лекин Украина халқини оккупация қилишингиз имконсиз. Мияни ювишингиз мумкин, лекин украиналикларнинг юрагини юва олмайсиз», — деб ёзган Зеленский шаҳарга қилган сафаридан сўнг Telegram’даги каналида.Фото: Anadolu
Пётр Шепелнинг онаси Валентина Шепел Балаклеяда эксгумация қилинган ўғлининг жасади устида йиғламоқда. Маҳаллий ҳокимият маълумотларига кўра, эркак шаҳар озод этилишидан бир кун аввал Россия назорат-ўтказиш пунктида отиб ўлдирилган.Фото: The Washington Post
Вербовка қишлоғи аҳолиси (Украина Қуролли Кучлари назорати остида) гуманитар ёрдам олиш учун тўпланмоқда.Фото: The Washington Post
Озод этилган Купянск шаҳри яқинида Украина ҳарбийлари шикастланган «Купянский раён» белгисига давлат байроғини илмоқда.Фото: AP Photo
Изоҳ (0)