Украина мудофаа вазири ўринбосари Ханна Малярнинг маълум қилишича, мамлакат шимоли-шарқидаги 300 га яқин аҳоли пунктида 150 минг нафар фуқаро Россия назоратидан қайтариб олинган ҳудудларда истиқомат қилмоқда. Бу ҳақда The New York Times хабар бермоқда.
Россия кучлари орқага чекиниб, Украина қўшинлари шимоли-шарқда юзлаб квадрат километр майдонни эгаллаганидан сўнг, бир неча ой давомида Россия истилоси остида тирик қолиш умидида яшаб келган маҳаллий аҳоли эндиликда эътиборини турмуш тарзини тиклашга қаратмоқда.
Зеленский Россия ҳарбийларидан озод этилган ҳудудларда пенсияларни тўлаш қайтадан бошланишини таъкидлади. Шунингдек, у Балаклеяда ҳам беш ойлик кечиктирилган тўловлар бирданига берилишини қўшимча қилган.
Ўз қўшинларимиз ва байроғимиз билан бирга босиб олинган ҳудудларга оддий ҳаёт тарзининг қайтиши жуда муҳим. Украина ҳар доим одамлар олдидаги ижтимоий мажбуриятларини бажаради.Владимир Зеленский Украина президенти
Изоҳ (0)