Украина президенти Владимир Зеленский урушнинг 203-куни якунлари бўйича халққа мурожаатида Россия Қуролли кучларининг Кривой Рог шаҳрига берган зарбалари ҳақида фикр билдирди. У баёнотининг бир қисмида рус тилида, россиялик ҳарбийларга мурожаат қилди.
Бугун ракеталарингиз, Кривой Рогга, Карачунов сув омбори дамбасига, умуман ҳарбий аҳамиятга эга бўлмаган объектларга ташланган Россия ракеталари, аслида юз минглаб оддий фуқароларга берилган зарба бўлди — бу Россия ютқазаётганига яна бир сабабдир.Зеленскийнинг айтишича, воқеалар ривожи Россия аскарлари учун ягона йўл — таслим бўлиш эканини кўрсатмоқда. Фақат шу йўл уларнинг ҳаёти ҳамда барча конвенцияларга мувофиқ муносабатларни сақлаб қолишни кафолатлайди.У нафақат бу урушда, балки тарихда ҳам ютқазмоқда. Сиз тинч аҳоли билан урушаётган заиф одамларсиз. Жанг майдонидан қочиб, узоқдан туриб зарар етказишга уринаётган ярамасларсиз. Сиз келажакда набираларингиз сиздан уяладиган террористлар бўлиб қоласиз», — деди Украина президенти Россия ҳарбийларига мурожаатида.
14 сентябрь куни Россия қўшинлари «Кинжал» ва «Искандер» ракеталари билан Кривой Рогнинг гидротехника инфратузилмасини ўққа тутган. Оқибатда Ингулец дарёсида сув сатҳи икки-уч метрга кўтарилган. Шаҳар ҳарбий маъмурияти раҳбари Александр Вилкулнинг сўзларига кўра, 112 та хусусий уй ва ёзги уйлар сув остида қолган. Аварияни бартараф этиш учун дарёнинг ўтказувчанлигини ошириш мақсадида кечаси дамбада мақсадли портлашлар амалга оширилган. 15 сентябрь куни эрталаб дарёда сув оқими камайиб, сатҳи пасая бошлади.
Россия ва Украина манбаларига кўра, дамбага зарба бериш орқали рус қўшинлари Украина Қуролли кучларининг Херсон йўналиши бўйича ҳаракатини секинлаштиришга уринган бўлиши мумкин.
Изоҳ (0)