Хитой шимоли-шарқидаги Хэйлунцзян провинциясида икки фуқаро ҳаво шари ёрдамида қарағай ёнғоқларини йиғишга ҳаракат қилган. Шундан кейин улар ҳаво шаридаги юкни ерга туширган. Икки хитойлик фуқародан бири ҳаво шари баландликка кўтарилгунга қадар ерга сакрашга муваффақ бўлган, бироқ унинг шериги эса ҳаво шарида қолиб кетиб, осмонда икки кунини ўтказган, деб хабар бермоқда «Правила жизни нашри.
Кейинроқ қутқарувчилар ҳаво шарида қолиб кетган 40 ёшли эркак билан мобил телефон орқали боғланган. Тасодифий саёҳатнинг кейинги куни унга қандай қилиб хавфсиз қўниш бўйича кўрсатмалар берилган. Унинг қўниши эса кун давомида амалга оширилган.
Хитойлик фуқаро ҳаво шарида тахминан 320 км масофани босиб ўтиб, Хитойнинг Россия билан чегарасидан унча узоқ бўлмаган Фангчжэнь ҳудудига етиб борган.
Қайд этилишича, эркак ҳеч қандай жароҳат олмаган ва умуман олганда, ўзини яхши ҳис қилган, бироқ бир ҳолатда узоқ вақт қолиши туфайли унинг бел қисми оғригани ҳақида маълумот берилган.
Мавзуга доир:
Изоҳ (0)