Кўп асрлик анъаналарга кўра, 79 ёшли қироллик асаларичиси Жон Чеппел Букингем саройи ва Кларенс уйи ҳудудидаги асалариларни қиролича Елизавета II нинг ўлими ҳақида огоҳлантирди, деб ёзади «Правила жизни».
Анъанага мувофиқ ҳолда асалариларнинг эгаси вафот этганида, уларнинг уяларига махсус мотам қора тасмаси билан боғланади ва уларга ўлим ҳақда хабар берилади.
Асаларичининг сўзларига кўра, саройдагилар ҳар бир уяни тақиллатиб, шундай деган: «Сизнинг хўжайинингиз вафот этди, лекин сиз учиб кетишингиз шарт эмас. Янги хўжайинингиз сизга меҳрибон бўлади».
Қадим замонлардан бери агар асаларилар эгасининг ўзгариши ҳақида хабардор қилинмаса, улар асал ишлаб чиқаришни тўхтатади, учиб кетади ёки ҳатто ўлиши мумкин, деб ишонишган.
Эслатиб ўтамиз, қиролича Елизавета II 2022 йил 8 сентябрь куни 96 ёшида вафот этди. Қиролича вафотидан кейин Британияда 10 кунлик мотам эълон қилинди. Буюк Британия қироли ва асалариларнинг янги эгаси марҳум қироличанинг Чарльз III исмини олган ўғли Чарльз бўлди.
Изоҳ (0)