Burger King ходими ресторанда 27 йил ишлаган ва умуман навбатчиликдан қолмаган. Компания унга битта кино чиптаси ва бир стакан Starbucks стаканини совға қилди, деб ёзади «Правила жизни» нашри.
Бу ҳақда хабар топган интернет фойдаланувчилари Burger King ходими учун тахминан 300 минг доллар йиғган. Ҳозирда 54 ёшда бўлган Кевин Форд 27 йилдан бери Лас-Вегас аэропортидаги Burger King’да ошпаз ва кассир бўлиб ишлайди. Шунча йиллар давомида у бирорта ҳам навбатчиликни ўтказиб юбормаган.
Fox 11 нашрининг маълумотларига кўра, ходимнинг иш фаолиятидаги юбилейи ўтган ҳафта бошида нишонланиши керак эди, аммо ҳеч ким бунга унчалик аҳамият бермаган. Форд ўз ҳамкасбларига Burger King’да қанча вақт давомида ишлаб келаётганини айтганида раҳбарият унга миннатдордорчилик белгиси сифатида кичик совға тайёрлаган.
Фидойи ишчига Starbucks стакани, Reese’s шоколади, Life Savers конфети, калит занжирлар, иккита қалам ва битта кино чиптаси бўлган сумка берилган. Кевин совға қутисини очиш жараёни акс этган видеони ижтимоий тармоққа жойлаштирган. Видео жуда тез ижтимоий тармоқларга тарқалди ва кўплаб муҳокамаларга сабаб бўлди. Ижтимоий тармоқ фойдаланувчилари ходимга берилган оддий совғадан ғазабланган ва охир-оқибат Форд учун тахминан 300 000 доллар йиғган.
Кевиннинг қизлари GoFundMe номли маблағ йиғиш саҳифасини очган.
«Ушбу видеодаги инсон менинг отам. У 27 йилдан буён ўз лавозимида ишлаб, бир кун ҳам ишдан қолмаган. Отам 27 йил олдин мени ва катта опамни ўз қарамоғига олгач, ёлғиз ишлай бошлади. Кейинроқ биз катта бўлганимизда у яна турмуш қурди ва аъло даражадаги тиббий суғурта туфайли ресторанда ишлашни давом эттирди» —, дейди Кевин Форднинг қизи Серина.
Тўсатдан келган шон-шуҳрат туфайли Кевин NBC телеканалининг Today кўрсатувида ҳам қатнашди ва набиралари билан жонли эфирда дийдорлашиш имконига эга бўлди.
«Мен невараларимни тўрт йилдан ортиқ вақт давомида кўрмадим», — дейди Форд.
Кевин Форднинг айтишича, ходим ҳозирча нафақага ва таътилга чиқмоқчи эмас. У айни дамда бор эътиборини оиласига қаратган.
Изоҳ (0)