Ҳар бир қиз қалбан малика, сеҳргар ва фариштадир. Буни англаб етган ота-оналар эса қизига шунга муносиб тарзда муносабатда бўлади. Бу борада Wday нашри тақдим этган мақола қаҳрамони ҳам омадли. Оиласи қизининг орзу-истакларини тушунибгина қолмай, балки уни қўллаб-қувватлашга ҳам қарор қилди.
Қизалоқ ҳар доим ўзининг сеҳрли дарахтига эга бўлишни, унинг ичида ўтириб китоб ўқишни, баъзан шохларга чиқишни хоҳларди. Унинг аксарият тенгдошлари учун бундай орзу туш бўлиб қолди. Лекин қизнинг дадаси ҳақиқий қаҳрамон.
Redams никли эркак Reddit ижтимоий тармоғида ўзининг жасорати ҳақида ҳикоя қилди. Биринчидан, у уста ҳам, дурадгор ҳам, мебель устаси ҳам эмас. У видео ўйинлар бўйича рассом. Илҳом олиш учун у бир нечта Disney фильмларини томоша қилди ва ишга киришди.
Дастлаб у ўша сеҳрли дарахтни чизди. Кейин макет ясади. Сўнгра ғояни ҳақиқатга айлантиришга киришди: у дарахтнинг рамкасини пайвандлади, уни тўр билан қоплади, ёритиш учун симларни тортди, махсус бетон аралашмасидан дарахт танасини ясади, шохларини бўяди, безак ва чироқларни осиб қўйди. Дарахт тепасида ҳатто қуш уялари ҳам бор — беш дона.
Бу оддий туйилиши мумкин, лекин ҳамма нарса учун бир ярим йил вақт сарфланди. Ота бу вазифани бажариш учун ҳатто пайвандлаш курсларида ўқишга мажбур бўлди. Ҳа, бу вақт билан биргаликда жуда кўп пул ҳам талаб қилди: бир ярим йил давомида ота тўрт минг доллардан кўпроқ пул сарфлади.
«Бу осон эмасди, лекин доим ётоқхонада қизимнинг суратини сақлардим. Унинг табассуми менга қийин дамларни енгишга ёрдам берди », — дейди ота.
«Аммо у 13 ёшга тўлган пайтдан қўрқаман, чунки бу ёшда хонадан болаларга хос нарсаларни чиқариб ташлашни талаб қилади», — дейди қизнинг отаси ўз таассуротлари билан ўртоқлашиб.
Изоҳ (0)