Ижтимоий тармоқларда Тошкент шаҳрида йўлнинг ўртасидан иссиқ сув отилиб чиққани ҳақида хабар тарқалди. «Тошиссиққуввати» давлат унитар корхонаси ҳолатга муносабат билдирди.
Қайд этилишича, Veolia Energy Tashkent МЧЖ томонидан 2022—2023 йилларда иситиш мавсумига сифатли тайёргарлик кўриш мақсадида жорий йил 13 сентябрь куни 1-ИМ қозонхонасининг амал қилиш ҳудудида иссиқлик қувурларининг механик чидамлилиги ва зичлилиги (юқори босимда) синовдан ўтказилган.
Тасдиқланган жадвал асосида ўтказилган синов жараёнида Муҳаммад Юсуф кўчасидан ўтган диаметри 500 миллиметр бўлган иссиқлик тармоғида авария содир бўлган. Оқибатда ер остидан иссиқ сув отилиб чиқиши кузатилган.
«Ҳозирда иссиқ сув чиқиши тўхтатилиб, махсус техникалар ёрдамида аварияни зудлик билан бартараф этиш чоралари кўрилмоқда», — дейилади хабарда.
Изоҳ (0)