«Тошкент метрополитени» давлат унитар корхонаси август ойида метродан фойдаланган йўловчиларнинг қайси тўлов тизимларидан фойдалангани бўйича маълумот берди.
Қайд этилишича, 1 августдан 31 августга қадар Тошкент метрополитенидан фойдаланувчи йўловчиларнинг тўлов тизимидан фойдаланиш кўрсаткичлари қуйидагича:
Унга кўра, фойдаланувчиларнинг 66 фоизи (5 миллион 794 минг 899 киши) метродан фойдаланишда QR кодли чипта орқали тўлов қилган. Тахминан 17 фоизи эса (1 миллион 522 минг 646 киши) йўлкира ҳақини транспорт картасидан тўлаган.
Бундан ташқари, банк картасидан фойдаланувчилар 10 фоизни ташкил этса, яна 5 фоиз фойдаланувчилар имтиёзли трансоорт карталари орқали тўловни амалга оширган.
Шунингдек, 2 фоиз фойдаланувчилар нафақахўрлар бўлиб, 218 минг 289 нафар йўловчи хизматдан бепул фойдаланган.
Изоҳ (0)