Ijtimoiy tarmoqlarda Toshkent shahrida yo‘lning o‘rtasidan issiq suv otilib chiqqani haqida xabar tarqaldi. “Toshissiqquvvati” davlat unitar korxonasi holatga munosabat bildirdi.
Qayd etilishicha, Veolia Energy Tashkent MCHJ tomonidan 2022—2023-yillarda isitish mavsumiga sifatli tayyorgarlik ko‘rish maqsadida joriy yil 13-sentabr kuni 1-IM qozonxonasining amal qilish hududida issiqlik quvurlarining mexanik chidamliligi va zichliligi (yuqori bosimda) sinovdan o‘tkazilgan.
Tasdiqlangan jadval asosida o‘tkazilgan sinov jarayonida Muhammad Yusuf ko‘chasidan o‘tgan diametri 500 millimetr bo‘lgan issiqlik tarmog‘ida avariya sodir bo‘lgan. Oqibatda yer ostidan issiq suv otilib chiqishi kuzatilgan.
“Hozirda issiq suv chiqishi to‘xtatilib, maxsus texnikalar yordamida avariyani zudlik bilan bartaraf etish choralari ko‘rilmoqda”, — deyiladi xabarda.
Izoh (0)