Ўзбекистонда энг кўп ипотека кредити ажратган банклар рўйхати эълон қилинди

Ўзбекистонда январь—август ойларида энг кўп ипотека кредити ажратган банклар рўйхати маълум бўлди. Бу ҳақда Молия вазирлиги хабар бермоқда.

2022 йилнинг сентябрь ойи ҳолатига кўра, банклар томонидан умумий 5,05 трлн сўмлик ипотека кредити ажратилган.

Маълумотларга кўра, «Қишлоқ қурилиш банки» ипотека кредити бераётган 12 та банк орасида етакчилик қилмоқда. Йил бошидан бери банк томонидан 1,3 трлн сўмлик бундай кредити ажратилган.

Иккинчи ўринда 1,08 трлн сўм кредит берган «Ипотека банк» жойлашган. Учинчи ўринни эса, «Ўзмиллийбанк» 834 млрд сўмлик ипотека кредити билан эгаллаган.

Берилган ипотека кредитларининг қиймати бўйича кейинги ўринларда:

• «Халқ банки» — 464 млрд сўм;
• «ОФБ» — 384 млрд сўм;
• «Микрокредитбанк» — 181 млрд сўм;
• «Ҳамкорбанк» — 157 млрд сўм;
• «ЎзСҚБ» — 140 млрд сўм;
• «Агробанк» — 127 млрд сўм;
• «Алоқабанк» — 120 млрд сўм;
• «Асакабанк» — 119 млрд сўм билан жойлашган.

«Туронбанк» жорий йил бошидан бери 109 млрд сўмлик ипотека кредити билан энг охирги ўрини эгаллаган.

Аввалроқ Ўзбекистонда энг кўп ипотека кредитлари берилган ҳудудлар маълум бўлгани ҳақида хабар берилганди.