O‘zbekistonda eng ko‘p ipoteka krediti ajratgan banklar ro‘yxati e’lon qilindi

O‘zbekistonda yanvar—avgust oylarida eng ko‘p ipoteka krediti ajratgan banklar ro‘yxati ma’lum bo‘ldi. Bu haqda Moliya vazirligi xabar bermoqda.

2022-yilning sentabr oyi holatiga ko‘ra, banklar tomonidan umumiy 5,05 trln so‘mlik ipoteka krediti ajratilgan.

Ma’lumotlarga ko‘ra, “Qishloq qurilish banki” ipoteka krediti berayotgan 12 ta bank orasida yetakchilik qilmoqda. Yil boshidan beri bank tomonidan 1,3 trln so‘mlik bunday krediti ajratilgan.

Ikkinchi o‘rinda 1,08 trln so‘m kredit bergan “Ipoteka bank” joylashgan. Uchinchi o‘rinni esa, “O‘zmilliybank” 834 mlrd so‘mlik ipoteka krediti bilan egallagan.

Berilgan ipoteka kreditlarining qiymati bo‘yicha keyingi o‘rinlarda:

• “Xalq banki” — 464 mlrd so‘m;
• “OFB” — 384 mlrd so‘m;
• “Mikrokreditbank” — 181 mlrd so‘m;
• “Hamkorbank” — 157 mlrd so‘m;
• “O‘zSQB” — 140 mlrd so‘m;
• “Agrobank” — 127 mlrd so‘m;
• “Aloqabank” — 120 mlrd so‘m;
• “Asakabank” — 119 mlrd so‘m bilan joylashgan.

“Turonbank” joriy yil boshidan beri 109 mlrd so‘mlik ipoteka krediti bilan eng oxirgi o‘rini egallagan.

Avvalroq O‘zbekistonda eng ko‘p ipoteka kreditlari berilgan hududlar ma’lum bo‘lgani haqida xabar berilgandi.