Дунёда маҳсулотларнинг чакана нархлари юқорилигича қолмоқда, чунки бир қатор мамлакатларда миллий валюталарнинг заифлашуви кузатилмоқда. Бу ҳақда Жаҳон озиқ-овқат дастурининг Яқин Шарқ ва Шимолий Африка бўйича минтақавий директори Корин Флейшер маълум қилди.
Украинада портларни очишга ёрдам берган дон келишуви бутун дунё учун энг яхши янгилик бўлди. Жаҳон бозорида нархлар тушди, афсуски, бир қатор мамлакатларда миллий валюталарнинг заифлиги туфайли озиқ-овқат нархи унчалик ўзгармади, — деди у.
Унга кўра, бунинг сабаби етказиб берувчилар озиқ-овқат маҳсулотларини импорт қилиш учун долларга муҳтожлигидир.
Портларнинг блокадаси энг кўп Шимолий Африка ва Яқин Шарққа таъсир кўрсатди, чунки бу ҳудудлар Қора денгизга туташган ва озиқ-овқат импортига боғлиқ.
Жаҳон озиқ-овқат дастури ҳам бутун дунё бўйлаб муҳтож одамларга етказиб берадиган рационни қисқартиришга мажбур бўлди, — деди Флейшер.
У Украинадан озиқ-овқат экспортининг ўсишига, шунингдек, ўғит етказиб бериш ва нархларнинг барқарорлашишига умид билдирди.
Аввалроқ глобал геоиқтисодий ҳодисалар Ўзбекистон иқтисодиётига қандай таъсир кўрсатаётгани ҳақида хабар берилганди.
Изоҳ (0)