«Ўзсувтаъминот» АЖ ва халқаро молия институтлари томонидан амалга ошириладиган 20 та инвестиция лойиҳасини 1 миллиард 861 миллион доллар қарз маблағлари ҳисобидан молиялаш режалаштирилган. Бу ҳақда АОКАда бўлиб ўтган брифингда «Ўзсувтаъминот» АЖ бошқарма бошлиғи Даврон Мунавваров маълум қилди.
Қайд этилишича, қарз маблағлари Жаҳон банки, Осиё тараққиёт банки, Европа тикланиш ва тараққиёт банки, Осиё инфратузилмавий инвестициялар банки, Ислом тараққиёт банки ҳамда Саудия тараққиёт ва ОПЕК жамғармаларидан ўзлаштирилади.
Жорий йилнинг январь—август ойларида 148 миллион доллар ўзлаштирилиши ҳисобига жами 187 километр ичимлик ва 47 километр оқова сув тармоғи тортилган.
Жами 41 та объектда қурилиш ишлари олиб борилиб, 1 та ичимлик сув тозалаш иншооти, 2 та сув тақсимлаш иншооти, 3 та сув қудуқлари қурилди ҳамда 5 та сув қудуқлари реконструкция қилинган.
Изоҳ (0)