Украинанинг Россия қўшинлари назорати остида бўлиб турган Запорожье вилояти Мелитополь шаҳрида босиб олинган ҳудудларда референдумларга тайёргарлик кўриш билан шуғулланувчи «Биз Россия билан биргамиз» ҳаражати штабида портлаш юз берди, деб ёзади Meduza Россия назорати остидаги маъмурият раҳбари Владимир Роговга таяниб.
Ҳодиса оқибатида ҳеч ким жабрланмаган. Рогов бўлиб ўтган воқеани «теракт» деб атади ва унда Украинани айблади.
Портлаш ҳолати ҳақидаги маълумотни Мелитопол мери Иван Фёдоров ҳам тасдиқлади, у айни пайтда Украина назорати остидаги ҳудудда қолмоқда. Ўз хабарида у зарар кўрган бинони «Ягона Россия» штаби деб атади. «Сохта референдумдан яна бир қадам узоқлашдик», — дея изоҳ берди у.
Украина ҳарбийлари ҳодисани изоҳлаганича йўқ.
Нашр эслатишича, 5 сентябрь куни учувчисиз учар қурилмалар Энергодар шаҳрида «Биз Россия билан биргамиз» ҳаракати штабига ҳужум қилган эди. Дронлар уриб туширилган, жабрланганлар ҳақида эса хабар берилмаган эди.
Изоҳ (0)