Ўзбекистонда шаҳарлараро автобус йўлкира нархлари ошди

Ўзбекистонда 2022 йилнинг август ойида шаҳарлараро автобусда йўл ҳақи нархлари июль ойига нисбатан, яъни бир ойда ўртача 1 фоизга ошди. Бу ҳақда Давлат статистика қўмитаси хабар қилди.

Қайд этилишича, шаҳарлараро автобусда йўл ҳақи йил бошидан буён ўртача 6,2 фоизга қимматлашгани кузатилган.

Шаҳарлараро автобусда йўл ҳақи ўтган йилнинг мос даврига нисбатан солиштирилганда, яъни йиллик нисбатда 8,8 фоизга кўтарилган.