Томас Тухелни истеъфога чиқарган «Челси» раҳбарияти дарҳол янги мураббий излашга тушди.
Лондонликлар Грем Поттер билан музокара ўтказиш учун «Брайтон» раҳбарияти билан алоқага чиқади, дея хабар беради Sky Sports.
Шунингдек, клуб «ПСЖ» собиқ мураббийи Маурисио Почеттино ва «Реал» собиқ устози Зинедин Зидан билан музокара ўтказади. Иккала мураббий ҳам ҳозирда ишсиз.
«Челси» 2021 йил январь ойидан буён жамоада ишлаб келаётган Томас Тухелни истеъфога чиқарди.
Тухель 2021 йил январь ойидан буён клуб бош мураббийи сифатида ишлаб келаётган эди. Мураббий «аристократлар» билан 2020/21 йилги мавсум Чемпионлар Лигаси, УЕФА Суперкубоги ва клублар ўртасидаги Жаҳон чемпионати совринини қўлга киритган.
Изоҳ (0)