Эрлинг Ҳоланд ЕЧЛдаги 20 та ўйинида 25 та гол урди. Бундай даврда Роналду бирорта тўп киритолмаган, Мессида 8 та гол бор эди

«Манчестер Сити» ҳужумчиси Эрлинг Ҳоланд Европа Чемпионлар Лигаси 1-тури доирасида «Севилья»га қарши кечган баҳсда (4:0) дублга эришди.

Норвегиялик футболчи «Манчестер Сити» сафидаги 8-расмий ўйинида 12 та гол уришга эришди.

Бу Ҳоланд учун ЕЧЛдаги 20-ўйин эди. Бу учрашувларда 22 ёшли футболчи 25 та тўп киритишга муваффақ бўлди.

Қайд этиш керак, мусобақа тўпурари Криштиану Роналду Чемпионлар Лигасидаги дастлабки 20 та ўйинида бирорта гол ура олмаган, Лионель Месси эса бу даврда 8 та тўп киритган.

Португалиялик 25 голлик довонни ЕЧЛдаги 63-ўйинида забт этган, аргентиналик эса 42-учрашувида 25-голини урган.

Мусобақанинг ушбу мавсумини ўтказиб юбораётган Роналдунинг ҳисобида умумий 140 та гол бор, Месси эса 125 та голга эга.