«Челси» Чемпионлар Лигаси гуруҳ босқичининг 1-турида «Динамо» Загребга 0:1 ҳисобида имкониятни бой берди.
Бу Томас Тухель учун лондонликлар бош мураббийи сифатида барча мусобақалардаги 100-ўйинга айланди.
Немис мутахассиси қўл остида «Челси» дастлабки 50 ўйинда 24 та гол ўтказиб юборган бўлса, кейинги 50 таликда 53 та голни ўз дарвозасидан олиб чиқди.
Лондон клуби сафар ўйинларида кетма-кет уч марта ютқазди. Бунақаси Тухель қўл остида илк бор кузатилди. Аввалроқ жамоа «Саутҳэмптон» (1:2) ва «Лидс» (0:3) майдонларидаги ўйинларда ютқазганди.
Тухель «аристократлар» билан 2020/21 йилги мавсум Чемпионлар Лигаси, УЕФА Суперкубоги ва Клублар ўртасидаги Жаҳон Чемпионати совринини қўлга киритган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)