Zidandan Pochettinogacha. “Chelsi” Tuxelning o‘rniga nomzodlar bilan muzokara o‘tkazishni boshlaydi

Tomas Tuxelni iste’foga chiqargan “Chelsi” rahbariyati darhol yangi murabbiy izlashga tushdi.

Londonliklar Grem Potter bilan muzokara o‘tkazish uchun “Brayton” rahbariyati bilan aloqaga chiqadi, deya xabar beradi Sky Sports.

Shuningdek, klub “PSJ” sobiq murabbiyi Maurisio Pochettino va “Real” sobiq ustozi Zinedin Zidan bilan muzokara o‘tkazadi. Ikkala murabbiy ham hozirda ishsiz.

“Chelsi” 2021-yil yanvar oyidan buyon jamoada ishlab kelayotgan Tomas Tuxelni iste’foga chiqardi.

Tuxel 2021-yil yanvar oyidan buyon klub bosh murabbiyi sifatida ishlab kelayotgan edi. Murabbiy “aristokratlar” bilan 2020/21-yilgi mavsum Chempionlar Ligasi, UEFA Superkubogi va klublar o‘rtasidagi Jahon chempionati sovrinini qo‘lga kiritgan.