Радиоман («Радиооператор») — бутун дунё бўйлаб миллионлаб одамларга маълум бўлган Нью-Йоркдаги уйсиз одам, деб ёзади The Voice Mag.
Дунёда қанчадан қанча уйсизлар бор? Минглабми? Миллионлабми? Улар ҳақида деярли ҳеч нарса маълум эмас. Аммо шундай шахслар борки, улар қандай мақомда бўлишига қарамай, бутун дунё бўйлаб машҳурликка эришган.
Ушбу материал қаҳрамони — Нью-Йоркдаги энг машҳур уйсиз одам. Унинг ҳақиқий исми Крейг Касталдо, лекин бутун дунёга «Радиооператор» (Радиоман) номи билан танилган. У доимо бўйнига тақиб юрган радиоси туфайли шундай ном олган.
Крейг актёр Робин Уильямсга жуда ўхшашлиги учун унга эътибор бермасликнинг иложи йўқ. У ҳар доим кўчаларда табассум қилиб, ҳатто машҳур одамлар билан ҳам самимий суҳбат қуради. У бир эмас, икки эмас, бир неча юлдузлар билан учрашган. Орадан кўп ўтмай «Радиооператор» Американинг барча машҳурлари билан танишишга муваффақ бўлди.
Албатта, бундай танишувлар шунчаки изсиз қолиб кетмади. Тез орада Крейг фильмлардаги эпизодик ролларга таклиф қилина бошлади. Натижада унинг фильм ва телекўрсатувларда 100 дан ортиқ иши пайдо бўлди.
Ажабланарлиси шундаки, машҳурлигига қарамай, Крейг ҳеч қачон турмуш тарзини ўзгартирмади, у бутун умр уйсизлигича қолди. Унинг бор мулки велосипед ва унинг рулига илинган бир нечта пакетлар эди.
Радиооператорнинг бугунги кунда тирик ёки ҳаёт эмаслиги номаълум: унинг сўнгги суратлари 2020 йил май ойида эълон қилинган.
Мавзуга доир: Жорж Клуни, Том Круз, Кайли Женнер ва бошқа машҳурларнинг энг ҳашаматли уйлари (фото)
Изоҳ (0)