Украинанинг Қозоғистондаги элчиси Пётр Bрублёвский русларни ўлдириш ҳақида айтган сўзлари учун узр сўради. Бу ҳақда Қозоғистон ташқи ишлар вазирлиги матбуот котиби Айбек Смадияровга таяниб, «Интерфакс» хабар берди.
«Хабарингиз бор, Украина элчисини вазирликка таклиф қилгандик, у узр сўради ва бундай гапларни уйига кетиш олдидан кучли ҳиссиётга берилиб гапирганини айтди», — деди Смадияров 5 сентябрь куни бўлиб ўтган брифингда.
Смадияров ҳозир Bрублёвский таътилда эканини қўшимча қилди.
Август ойида Пётр Bрублёвский қозоғистонлик блогер Диас Кузаировга берган интервьюсида имкон қадар кўпроқ русларни ўлдириш зарурлиги ҳақида гапирган: «Ҳозир русларни қанча кўп ўлдирсак, фарзандларимизнинг улар қўлида ўлиши шунча камаяди».
Ушбу гаплар катта резонансга сабаб бўлди. Қозоғистон халқи ассамблеяси Bрублёвскийнинг баёнотларини қоралади. Элчи Қозоғистон ТИВга чақирилди.
Изоҳ (0)