Россия Ташқи ишлар вазирлиги мамлакатга кириши тақиқланган Америка фуқаролари рўйхатига яна 25 кишини киритди, деб ёзади Meduza.
Рўйхатдан актёрлар Шон Пенн ва Бен Стиллер ўрин олган.
Рўйхатнинг қолган иштирокчилари орасида АҚШ Сенати аъзолари, америкалик мансабдорлар, бизнесменлар ва ноҳукумат ташкилотлар ходимлари бор.
Шон Пенн ва Бен Стиллер Россия ҳужум бошлаганидан кейин Украинани қўллаб-қувватлаган эди. Пенн, бундан ташқари, Россия истилоси ҳақида ҳужжатли фильм суратга олишни бошлади ва Украина президенти Владимир Зеленскийнинг «Оскар» тақдимот маросимида нутқ сўзлашини ташкиллаштиришга чақирди (аммо бу амалга ошмади).
Август охирида Зеленский Пенн ва Стиллерни Украина давлат мукофотлари билан тақдирлади. Улардан ташқари, америкалик актёрлар Лив Шрайбер ва Жессика Честейн, шунингдек, Balenciaga модалар уйи креатив директори Демна Гвасалия ва Imagine Dragonс гуруҳи аъзолари ҳам мукофотланганди.
Шон Пенн, Бен Стиллер, Лив Шрайбер ва Жессика Честейн Украинага уруш бошланганидан кейин келиб кетган, Демна Гвасалия ва Imagine Dragonс гуруҳи иштирокчилари эса Украинанинг мамлакат учун хайрия маблағлари йиғиш бўйича United24 давлат платформасининг амбассадорларига айланган.
Мавзуга доир:
- «Хаёлим аёллар ва болаларда». Голливуд юлдузи Пенелопа Крус украиналикларни кўзда ёш билан қўллаб-қувватлади
- «Миллионлаб одамлар хавф остида». Голливуд актрисаси Кейт Бланшетт Украинадаги уруш ҳақида видеомурожаат йўллади
- Стивен Кинг Россияда ўз китобларини чоп этмасликка қарор қилди. У мамлакатда асарлари энг кўп нашр қилинадиган ёзувчи
Изоҳ (0)