Тошкент шаҳри Учтепа ва Чилонзор туманларининг айрим ҳудудларида иссиқ сув таъминоти вақтинча тўхтатилади. Бу ҳақда «Тошиссиққуввати« давлат унитар корхонаси матбуот хизмати хабар қилди.
Қайд этилишича, 5 сентябрь куни соат 18:00 га қадар 5-ИМдаги магистрал иссиқлик қувурида таъмирлаш ишлари олиб борилади. Шу муносабат билан Учтепа ва Чилонзор туманларининг айрим ҳудудлари иссиқ сув таъминотидан вақтинча узилади.
«Таъмирлаш ишлари якунланиши билан иссиқ сув таъминоти тикланади», — дейилади хабарда.
Изоҳ (0)