Ўзбекистонда 2022/2023-ўқув йилида 702 минг нафар бола умумтаълим мактабларининг 1-синфига қабул қилинди.
Халқ таълими вазирлиги матбуот хизматининг маълум қилишича, 5 сентябрь куни 10 085 та мактабда янги ўқув йили дарслари бошланди, 702 минг нафар бола 1-синфга қабул қилинди.
Уларга 12 турдаги ўқув қуроллари, мактаб сумкаси, дарсликлар мажмуасидан иборат президент совғалари топширилди.
Мактабларда таҳсил олаётган 6 469 737 нафар ўқувчи иштирокида ташкил этилган «биринчи қўнғироқ» тадбирларида маҳаллий ҳокимликлар ҳамда кенг жамоатчилик вакиллари, маҳалла фаоллари, ўқувчилар ва уларнинг ота-оналари иштирок этди. Мактабларнинг кўзга кўринган битирувчилари ҳамда давлат идоралари раҳбарлари ҳам қатнашди.
Мавзуга доир: Ўзбекистонда мактаб дарсликлари ижараси учун нарх 108 фоизга ошди. ХТВ ҳолатга тушунтириш берди
Изоҳ (0)