Атом энергияси бўйича халқаро агентлик (МАГАТЭ) миссияси аъзолари Запорожье АЭС ҳудудини тарк этди, деб ёзмоқда «РИА Новости» Запорожье вилояти ҳарбий-фуқаролик маъмурияти бош кенгаши аъзоси Владимир Роговга таяниб.
Делегацияга ҳамроҳлик қилган эксперт «ТАСС»га гуруҳнинг кетганини тасдиқлади, бироқ унинг сўзларига кўра, делегациянинг икки вакили доимий асосда станцияда қолган. ЗАЭС ҳудудида доимий ваколатхона ташкил этиш режалари ҳақида 1 сентябрь куни делегация таркибида станцияга ташриф буюрган МАГАТЭ раҳбари Рафаэл Гросси маълум қилганди.
Миссия станцияга июль—август ойларида АЭСнинг тез-тез ўққа тутилишидан кейинги вазиятни назоратга олиш учун келганди. Гроссининг сўзларига кўра, экспертлар «объектнинг жисмоний яхлитлиги бир неча бор бузилганини, бу бир неча марта содир бўлганини» қайд этган. Мутахассислар ўқ изларни ўз кўзлари билан кўрди, дея таъкидлади у.
МАГАТЭ раҳбарининг қўшимча қилишича, кейинги ҳафтада МАГАТЭнинг ЗАЭСдаги вазият бўйича батафсил ҳисоботи чоп этилиши режалаштирилган. Унинг таъкидлашича, миссиянинг олти вакили станцияда қолган, улардан тўрт нафари кейинроқ жўнаб кетган бўлиши керак.
Мавзуга доир:
Изоҳ (0)