Лиз Трасс агар мамлакатни ўз сайловолди кампаниясини олиб боргандек бошқарса, унинг бош вазир бўлиши Буюк Британия учун фалокат бўлади, деди Шотландия биринчи вазири Никола Стиржен. Шу билан бирга, у Британия ҳукуматининг янги раҳбари билан конструктив муносабатларга умид билдирди.
«Агар у ёзги сайловолди кампанияси каби мамлакатни бошқарса, бу нафақат Шотландия учун, балки бутун Буюк Британия учун фалокат бўлади», — дея Стирженнинг сўзларидан иқтибос келтирган Independent нашри.
Шотландия раҳбарининг сўзларига кўра, сайлов кампанияси давомида Трасс консерватив партия аъзоларининг «устуворликлари»га, яъни солиқларни камайтириш масаласига эътибор қаратган. «Консерватив партиянинг оз сонли аъзоларига хиралик қилиш мамлакат учун тўғри устуворлик эмас», — деди у.
Стержен Трасс билан сиёсий масалаларда келишмовчиликлари борлигини таъкидлади, аммо у ҳар қандай янги бош вазирга ўзини кўрсатиш имконияти берилиши кераклигини айтди. Британия учун жиддий давр келди ва мамлакатга ниҳоятда жиддий ва мақсадли раҳбарлик керак, дея қўшимча қилди Шотландия раҳбари.
Трасс Молия вазирлигининг собиқ канцлери Риши Сунак билан бирга бош вазирлик учун сайловларнинг якуний босқичига чиқди. Ғолиб консерваторлар раҳбари ва Буюк Британиянинг янги бош вазирига айланади. Янги бош вазир ким бўлиши 5 сентябрь куни маълум қилинади.
Изоҳ (0)