Россия президенти Владимир Путин ва Туркия президенти Ражаб Тоййиб Эрдўғон телефон орқали мулоқот қилди, деб хабар бермоқда Anadolu агентлиги.
Суҳбат чоғида давлатлар раҳбарлари Туркиянинг жанубий соҳилида қурилаётган «Akkuyu» атом электр станцияси (АЭС)да ишлар режага мувофиқ олиб борилишини маъқуллаган. Кремль матбуот хизматининг қўшимча қилишича, Путин ва Эрдўғон шунингдек, савдо-иқтисодий алоқаларни кенгайтириш ҳамда қўшимча алоқалар ўрнатиш ниятини тасдиқлаган.
«Akkuyu» АЭС қурилиши бўйича ҳукуматлараро битим 2010 йилнинг май ойида имзоланган эди. Биринчи реактор 2023 йилгача, бутун станция эса 2025 йилгача ишга туширилиши кутилмоқда.
Аввалроқ Путин Эрдўғон билан Шанхай ҳамкорлик ташкилоти (ШҲТ) саммитида долзарб масалаларни муҳокама қилишга келишиб олгани хабар қилинганди. Тадбир Самарқанд шаҳрида 15—16 сентябрь кунлари бўлиб ўтади.
Изоҳ (0)