Владимир Путин Россия қўшинларига 15 сентябрга қадар Донецк вилоятининг маъмурийчегараларига чиқиш ҳақида буйруқ берган. Бу ҳақда брифингда Украина Қуролли кучлари Бош штаби Бош тезкор бошқармаси бошлиғи Алексей Громов маълум қилди, деб ёзади Meduza.
«Душман томон Харьков, Луганск, Донецк, Запорожье, Херсон ва Николаев вилоятларида босиб олинган туманларни ушлаб туришда давом этмоқда, шунингдек, ҳужумга ўтишни қайта бошлаш учун қулай шароитлар яратишга интилмоқда. Хусусан, Россия истилочи қўшинлари Путиннинг 15 сентябргача Донецк вилояти маъмурий чегараларига чиқиш бўйича буйруғига мувофиқ ўз режалари ва ҳаракатларини навбатдаги марта мувофиқлаштирмоқда», — деди Громов.
Унинг сўзларига кўра, Украина шарқида фаол ҳужумга ўтишни қайта бошлаш учун Россия Мудофаа вазирлиги учинчи армия корпуси қўшилмалари ва ҳарбий қисмларини қайтадан гуруҳлашни давом эттирмоқда. У 2022 йил ёзида Россиянинг турли ҳудудларида танлаб олинган кўнгилли бўлинмалардан иборат.
Россия қўшинларининг Донбассдаги сўнгги йирик муваффақияти Северодонецк — Лисичанск — Рубежное агломерациясининг ва умуман Луганск вилояти ҳудудининг назорат остига олиниши бўлганди. Бу июль бошида юз берганди.
Изоҳ (0)