Кичик Момфа бутун дунёдаги одамларни ҳайратда қолдирди. Қандай қилиб дейсизми? У Африкадаги энг бой бола. Шунингдек, жаҳон миллиардерлар клубининг энг ёш аъзоси, деб ёзади Wday.
Бола бор-йўғи олти ёшида ўзининг биринчи ҳашаматли уйига эга бўлди. У туғилган кунида отаси — интернет юлдузи Исмоил Мустафо, катта Момфадан уйни ҳадяга олди.
Чиройли уйдан ташқари, боланинг 10 йиллик юбилейи шарафига совға қилинган 368 минг долларлик Lamborghini Aventador автомобили ҳам бор. Ҳисоб-китобларга кўра, энди Момфанинг жами олти миллиарддан ортиқ Нигерия найраси мавжуд.
Кичкина миллиардернинг ҳақиқий исми Муҳаммад Авал Мустафодир. Обуначилар уни фондаги ҳашаматли автомобиллар суратларидан жуда яхши танишади, масалан, юқорида айтиб ўтилган Lamborghini Aventador, шунингдек, қаймоқ рангли Bentley Flying Spur. Баъзи суратларда унинг ёнида синглиси Фотима ҳам пайдо бўлади.
Катта Момфа ҳаммани ўғли бойлигини ўзи топганига ишонтиради. Болага биринчи кошонани совға қилганидан сўнг шундай деди: «Ўз уйингга эга бўлиш — дунёдаги энг яхши туйғулардан бири, уни сўз билан тасвирлаб бўлмайди ва пул билан ўлчаб бўлмайди. Бу туйғу ҳаётнинг ҳар бир кунини бойитади. Унинг шарофати билан барча паст-баландликлардан сўнг сени ҳали ҳам келиш мумкин бўлган ва қучоқ очиб қабул қиладиган жой мавжудлигига ишонч бор».
Кичик Момфанинг отаси унга бўлгани каби, қолган оила аъзоларига ҳам сахийдир. У кўпинча хотинини «Пул хоним» деб атайди. У бу ҳақда шундай дейди: «Бундай гўзал ва қўллаб-қувватловчи ҳамроҳ билан ҳаётда яшаш — бараканинг ўзгинасидир».
2022 йил январь ойида Исмоил Мустафо Нигерия коррупцияга қарши агентлиги томонидан 700 миллион рубль (11 764 711 доллар) ортиқ маблағни ювишда айбланиб, ҳибсга олинган эди. Миллиардер қўйилган айбларни тан олмади ва 350 минг фунт стерлинг (414 минг доллар) гаров эвазига қўйиб юборилди.
Маълум бўлишича, катта Момфа инвестициялар билан шуғулланишдан олдин Лагосдаги валюта айирбошлаш компаниясида бойлик орттирган.
Изоҳ (0)