Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
Актёр Жавоҳир Зокиров Ўзбекистон аҳлини Мустақиллик байрами билан табриклади.
Актриса, дизайнер Шаҳзода Муҳаммедова онасига Умра сафари йўлланмасини совға қилди ва мухлисларига бу ҳар бир ўғил, қиз фарзанднинг бурчи эканини айтди.
Тиктокер, Instagram саҳифасида икки миллиондан ортиқ обуначига эга инстаблогер Озод Хуррамов янги суратини мухлисларига намойиш қилди ва ҳаётида унинг синишини кутаётган инсонларнинг борлиги, айнан шу инсонлар сабаб яхши натижаларга эришганини айтди.
Хонанда Нилуфар Усмонова SMM мутахассиси билан ишлай бошлаганини маълум қилди.
Бундан ташқари, Нилуфар Усмонова қизлари Сафия, Саъдия ва ўғли Саиднинг суҳбати акс этган видеони обуначиларига кўрсатди. Унинг фарзандлари хиёбонга бориш ҳақида суҳбат қурган.
Зиёда саҳифасидаги обуначиларини Мустақиллик куни билан қутлади.
Хонанда Отабек Муталхўжаев мухлислари орасидан Ички ишлар ходимлари ҳамроҳлигида чиққани акс этган видеони эълон қилди.
Бир қанча хит тароналар ижрочиси Ҳамдам Собиров қизи Саъдия билан тушган суратини мухлисларига кўрсатди.
Хонанда Ботир Қодиров Мустақиллик куни муносабати билан ташкил этилган шодиёнада маданият вазири Озодбек Назарбеков билан тушган суратини эълон қилди ва мухлисларини байрам билан табриклади.
Актриса Ҳалима Ибрагимова машинасида Ўзбекистон байроғини ёйиб, Тошкент кўчалари бўйлаб сайр қилди ва обуначиларига ушбу шодиёна муносабати билан самимий тилакларини билдирди.
Актёр Шоҳрух Ҳамдамов Туркияда тушган суратини саҳифасига жойлади.
Лола ўғли ва қизи билан мактаб бозорини айланганини, фарзандларига қандай ўқув қуролларини олганини обуначиларига кўрсатди.
Актриса Зарина Низомиддинова Москвада тушган суратини эълон қилди ва ўзбекистонлик мухлисларини Мустақиллик байрами билан табриклади.
Хонанда Алишер Файз концерт бериш учун АҚШга боргани акс этган видеони эълон қилди ва барча мухлисларини концертга таклиф этди.
Актриса Айсанемхон Юсупова илк ролини Ҳилол Насимовнинг «Ҳаёт» фильмида ижро этганини, бу фильмнинг суратга олинганига 5 йил бўлганини, ҳар гал ушбу фильмни кўрганда кўзига ёш келишини, сабаби унда Ватан тинчлиги йўлида мардонавор ҳалок бўлган инсонлар кўз олдига келишини айтган.
Шунингдек, у мухлисларини Мустақиллик байрами билан табриклаган ва тинчликнинг қадрига етиш кераклиги ҳақида гапирган.
Хонанда Малика Равшанова 90 ёшли мухлисасини хонадонидаги шодиёна билан табриклади.
Актриса Дурдона Қурбонова ўзбекистонлик мухлисларини Мустақиллик шодиёнаси билан қутлади.
Актриса Раъно Шодиева «Бахт овчиси» сериалини суратга олиш жараёнлари учун Истанбулга келган ҳамкасби, дугонаси Райҳон Уласеновани кўриш учун унинг олдига боргани акс этган видеони эълон қилди.
«Уммон» гуруҳининг собиқ аъзоси Шоҳрух қизалоғи билан тушган видеосини мухлисларига кўрсатди.
Оёғи шикастланган раққоса Паризода йўлнинг белгиланмаган жойдан кесиб ўтгани акс этган видеони эълон қилди.
Хонанда, телебошловчи Ҳуснора Шодиева яна бир орзуси амалга ошганини, яъни Москва Халқаро алоқалар Давлат университетининг Тошкент шаҳридаги филиали, менежмент ва туризм йўналишига ўқишга қабул қилинганини маълум қилди. Ҳуснора ота-онаси уни қўллаб-қувватлаганини ҳам таъкидлаган.
Хонанда Юлдуз Турдиева тўйларда икки-уч кун битта костюмда қўшиқ куйлагани обуначиларининг танқидига учради. Шундан сўнг хонанда эгнидаги костюмнинг нархи 3 000 доллар эканини, бундан ташқари, у ўзи учун қулай кийимни кийишини мухлисларига айтди.
«Instagram’га халқ хизматидаги видеолардан бирини қўйгандим. Баъзи опа-сингилларимиз исиб кетмадингизми, неча кундан бери фақат шу пиджакдасиз, ғалатимасми, деб ёзяпти. Биринчидан, бу ўзимга ёқади. Бу Balmain жуда ҳам қимматбаҳо. Менинг неча йиллик орзумдаги пиджак. Илтимос, шунинг учун ҳар хил гапларни ёзманг. Мен ўзимга қулай кийимни кияман. Мен учун қўшиқларимни эшитиб, маза қилсангиз кифоя», — дейди хонанда.
Маҳоратли раққоса Ирода Исмоилова тўй хизматларининг бирида ўзгача услубда рақсга тушган видеосини эълон қилди.
Актриса Феруза Норматова атрофидаги инсонларнинг унга бўлган муносабатидан кулгиси келишини, кўплаб инсонлар унинг атрофида рол ўйнашини, бунақа инсонларга ачинишини ва тақдирида ўз қонунлари борлигини, ушбу қонунлар актрисанинг ҳаётидаги қайсидир инсонга тўғри келмаса, ҳаётидан чиқиб кетиши мумкинлигини айтган. Шунингдек, у актрисалик соҳасида таҳсил олганини таъкидлаган.
АҚШда оиласи билан истиқомат қиладиган актриса Гулчеҳра Эшонқулова ҳайдовчилик гувоҳномасини олиш учун топширган имтиҳондан ўтганини маълум қилди ва барча ўзбекистонлик мухлисларини Мустақиллик куни билан қутлади.
Татяна, Имон Каримовалар ва Марям Тиллаева Ўзбекистон Республикаси биринчи президенти Ислом Каримовнинг хотира кечасига тайёргарлик кўрмоқда. Видеода Ислом Каримов ва Татяна Каримованинг шахсий архивидаги суратларни ҳам кўриш мумкин.
Мавзуга доир:
- Instagram: Ўзбекистонга раҳмат айтган Хаби Лейм, ухлаётган видеосига изоҳ берган Абдулла Қурбонов, касаллик туфайли овозини йўқотаётган Афзал Рафиқов.
- Instagram: Чойхонада «ухлаб қолган» Абдулла Қурбонов, машина ҳайдашни ўрганаётган Искандар Ҳамроқулов, Зарина Низомиддинованинг танаффусдан кейинги илк роли.
- Instagram: Оёғини жароҳатлаган Паризода, Улуғбек Раҳматуллаевдан янги қўшиқ, кунини боғчада ўтказган Лола.
- Instagram: Имроннинг Дурдонасиз ишланган навбатдаги клипи, Фарҳод учун рафиқасининг сюрпризи, қўшиқ айта бошлаган Зуҳра Солиева.
Изоҳ (0)