Алишер Усмонов қиёфаси ва USM компаниясининг номидан фойдаланиб фирибгар реклама эълонлари тўғрисидаги баёнот

Сўнгги пайтларда ижтимоий тармоқларда Ўзбекистон аҳолисини USM холдингига гўёки алоқадорлиги айтилаётган лойиҳаларга сармоя киритишга, шунингдек, Алишер Усмонов ёки унинг хайрия жамғармасига шерик бўлишга ёки ундан ёрдам олишга ундайдиган реклама эълонлари ва нашрлар пайдо бўлмоқда.

Рекламаларнинг аксарияти Facebook ва Instagram ижтимоий тармоқларида жойлаштирилган. Бундай нашрлар кўпинча USM сайтлари сифатида кўрсатилган ва гўёки фойдаланувчиларга юқори даромадли инвестицияларнинг турли шаклларини таклиф этувчи фирибгар манбаларни ҳаволаларда ўз ичига олади.

Эслатиб ўтамиз, USM холдинги ва унинг акциядори Алишер Усмонов жисмоний шахслар учун инвестиция лойиҳаларини ишга туширмаган ва бу мавзуга оид сайтлар, нашрлар ёки рекламаларга алоқадор эмас. Холдинг ҳам, унинг акциядори ҳам ижтимоий тармоқларда реклама жойлаштирмайди.

«USM Инвест», «USM инвестиция академияси», «USM инвестиця жамғармаси», «USM платформаси», «Алишер Усмоновнинг даромад ошириш дастури» ва шунга ўхшаш йўналишдаги А.Б. Усмонов ва USM’га ҳеч қандай алоқаси бўлмаган кўплаб бошқа «лойиҳалар» реклама қилинаётган фирибгарлик лойиҳаларига мисол бўла олади.

Бундай лойиҳалар, сайтлар ва рекламаларнинг барчаси ёвуз ниятли шахслар томонидан фақат фойдаланувчиларни алдаш ва улардан ноқонуний равишда пул олиш учун яратилган. Бундай реклама эълонларига дуч келганлардан уларга эътибор бермасликларини ёки улар эълон қилинган манбаларга шикоят жўнатишингизни сўраймиз.

Алишер Усмонов ҳақиқатан ҳам Ўзбекистонда амалга оширилаётган кўплаб лойиҳаларни қўллаб-қувватламоқда, ўз тарихий ватанини улуғлаб ва юртдошларига яхшилик тиламоқда. Бироқ бу ёрдам тизимли ва мақсадли бўлиб ҳеч қачон реклама қилинмайди.

Ҳушёр бўлинг, яқинларингизни огоҳлантиринг ва фирибгарларнинг ҳийла-найрангларига алданиб қолманг. Агар сиз фирибгарлар қурбонига айланган бўлсангиз, уларга пул ўтказиб, қайтара олмаган бўлсангиз, ҳуқуқни муҳофаза қилувчи органларга мурожаат қилишингизни сўраймиз.

Расмий сайтлар:

USM: https://usm-group.com/

Алишер Усмоновнинг «Санъат, фан ва спорт» хайрия жамғармаси:

https://www.artscienceandsport.com/

USM матбуот хизмати