АҚШ Давлат департаменти вакили хотин-қизлар ва гендер тенглик борасидаги ишларни юқори баҳолади, деб хабар бермоқда Сенат матбуот хизмати.
Маълум қилинишича, 30 август куни Олий Мажлис Сенатининг Хотин-қизлар ва гендер тенглик масалалари қўмитаси раиси Малика Қодирхонова Ўзбекистонга ташриф буюрган АҚШ Давлат департаментининг Аёллар ишлари бошқармаси режалаштириш бўйича директори Кристин Борганен билан учрашди.
Учрашувда гендер тенгликни таъминлаш бўйича ҳамкорлик ва истиқболдаги вазифалар муҳокама қилинган.
Мулоқот давомида меҳмон мамлакатимизда гендер тенгликни, хотин-қизларнинг ҳуқуқ ва манфаатларини таъминлаш, уларни ижтимоий- иқтисодий, сиёсий фаоллигини ошириш борасида амалга оширилаётган ислоҳотлар билан батафсил таништирилган.
Кристин Борганен Ўзбекистонда гендер тенгликни таъминлаш борасида олиб борилаётган ишларни юқори баҳолаган.
Учрашувда томонлар келгусида хотин-қизларнинг ижтимоий-сиёсий фаоллигини ошириш ҳамда аёлларнинг иқтисодий ҳуқуқ ва имкониятларини таъминлашга қаратилган лойиҳаларни амалга ошириш бўйича ўзаро келишувга эришган.
Мавзуга доир: Ўзбекистонда «Гендер тенглик фаоли» миллий танлови эълон қилинди
Изоҳ (0)