Бахт ва саломатлик бир-бири билан чамбарчас боғлиқ. Бу иккала ҳолатни бир даражада ушлаб туриш унчалик қийин эмас. Зарарли одатлар, иссиқ душ, ёғсиз творог — соғлом ва бахтли яшаш учун улардан воз кечган яхшироқ, деб ёзади Marie Claire.
Эрталабки қаҳвани кейинроқ ичинг
Йўқ, қаҳвадан воз кечиш тавсия этилмайди, айниқса уни жуда ҳам яхши кўриб истеъмол қиладиганлар учун. Бу ичимликнинг фойда ва зарарлари ҳақида соатлаб гапириш мумкин, аммо ҳозир гап бу ҳақда эмас. Шунчаки эрталабки медитация сеансини бир чашка қаҳва билан бироз вақтга кечиктириш таклиф қилинади.
Олимларнинг фикрига кўра, уйғонгандан кейин бир соат ичида организм стресс гормони — кортизол ишлаб чиқаради. Бу инсоннинг кўнглини кўтаришга ва бутунлай уйғонишга ёрдам беради. Эрталабки қаҳва эса бу жараёнга халақит бериши мумкин. Гап шундаки, кофеин кортизол ишлаб чиқаришни тўхтатади ва организмнинг табиий уйғонишига тўсқинлик қилади.
Совуқ душ қабул қилинг
Эрталабки совуқ душнинг ҳар бир дақиқаси организмни тетиклик ва энергия билан тўлдиради, инсонга янги ҳислар беради ва узоқ кунга тайёрлайди. Асосийси, тўғри ҳароратни танлаш. Ўта совуқ сув тери учун жуда иссиқ сув каби зарарли — иккаласи ҳам эпидермис ҳужайраларига зарар етказади, тери қуриши ва тирнаш хусусиятини келтириб чиқариши мумкин. Аммо терига ёқимли бўлган ҳарорат топилса, эрталабки уйқучанлик ва ёмон кайфият ҳақда ўйламаса ҳам бўлади.
Парҳезбоп маҳсулотларни истеъмол қилманг
Ёрма, бўтқа, ёғсиз творог, парҳезбоп ширинликлар — буларнинг барчаси фақат организмни алдаш холос. Ҳа, улар оддий маҳсулотларга қараганда камроқ калорияларга эга, аммо, афсуски, фойдали эмас.
Овқатланиш билан боғлиқ энг катта муаммо — бу калориясиз маҳсулотларни танлаш. Кун давомида муҳим вазифа бажарилгач, дарров дам олиш истаги пайдо бўлади. Бунинг учун ёғсиз творог истеъмол қилиб, спорт залига бормаслик мумкин, деган фикр мавжуд. Лекин иккиси ҳам бир-бирининг ўрнини боса олмайди. Ва айни вақтда, улар организмга икки хил кўринишда таъсир қилади.
Осуда хонада ухланг
Соатнинг овози гўёки тинчлантирувчидек туйилиши мумкин, лекин бу фақат бир қарашда. Аслида монотон ва ритмик товуш доимий уйқусизликка олиб келади. Ётоқ хонада асаб тизимини безовта қиладиган буюмларни имкон қадар камроқ сақлашга ҳаракат қилиш лозим, масалан, соат, вентилятор, телевизор каби.
Эрталаб ва кечқурун машқ қилинг
Эрталабки машқ мушакларни уйғотади, қонни организм бўйлаб тарқатади ва куч беради. Кечқурунги машқ эса тескари йўналишда ҳаракат қилади — кучланишни енгиллаштиради, кун давомида тўпланган чарчоқни чиқариб ташлайди, организмни тинчлантиради ва ухлаш учун тайёрлайди.
Тик ўтиринг
Сан-Франциско университетида ўтказилган тадқиқотларга кўра, тўғри ўтириш мияга кислород оқимини 40 фоизга оширади, бу эса организмдаги фаолиятни сезилари даражада яхшилайди. Буни ёдда сақлаш жуда муҳим, айниқса, куни билан иш вақти офисда ўтадиганлар учун.
Изоҳ (0)