Дунё очлик эълон қилиш орқали мукаммал қоматга эришиш мумкин эмаслигини тушунди, шунинг учун бугунги кунда ҳар бир инсон табиий равишда спорт ва тўғри овқатланишни афзал кўради. Marie Claire нашри ёғни эритиб, вазн камайтиришга ёрдам берадиган маҳсулотлар рўйхати билан таништириб ўтди.
Ёнғоқ
Ёнғоқ таркибида омега-3 ёғ кислоталари мавжуд бўлиб, улар ёғни эритиш жараёнини бошлашга ёрдам беради ва калорияларни захиралашни секинлаштиради. Шунинг учун ёнғоқ нафақат мазали, балки соғлом газак ҳам вазн камайишига ҳисса қўшади.
Йогурт
Тадқиқотлар шуни кўрсатдики, сут маҳсулотлари вазн йўқотишга ёрдам беради. Бироқ бу маҳсулотлар табиий ва паст калория бўлиши керак. Ратционида ферментланган сут маҳсулотлари, масалан, йогурт бўлган одамлар тезроқ вазн йўқотиши исботланган. Бундан ташқари, пишлоқ каби юқори калорияли маҳсулотларни камроқ истеъмол қилишни ҳисобга олиш керак.
Тухум
Тухум Д витаминига бой ва бу витамин танқислиги кузатилган аёлларда ортиқча вазнга эга бўлиш эҳтимоли илмий жиҳатдан исботланган. Олимларнинг таъкидлашича, ушбу витаминнинг етишмаслиги қорин чиқишига олиб келади.
Зираворлар
Долчин метаболизмни тезлаштирадиган термоген хусусиятга эга, чили эса тана ҳароратини оширадиган ва юрак уришини тезлаштирадиган капсаицин деб аталадиган бирикмани ўз ичига олади, бу ҳам метаболизмни тезлаштиришга олиб келади. Аччиқ маҳсулотлар истеъмолдан кейин уч соат ўтгач ҳам метаболик жараёнларни рағбатлантиришда давом этиши исботланган.
Ёғли балиқ
Номидан, албатта, парҳезбоп эмас, лекин бундай балиқ, бир неча ортиқча килограммни йўқотишга ёрдам беради. Чунки унинг таркибида организмни узоқ вақт тўйинтирадиган, шунингдек, очлик гормони бўлган лептин даражасини пасайтирадиган соғлом ёғлар мавжуд.
Брокколи
Агар уни ҳали ҳам рационга киритмаган бўлсангиз, шошилинг, чунки бу жуда фойдали маҳсулот. Барча стереотиплар ва нотўғри тушунчалардан воз кечиб, брокколи истеъмол қилишдан завқланиш керак. Унинг калорияси кам, қолаверса, секин таъсир қилувчи ёғлар туфайли очлик ҳисси узоқ вақт давомида безовта қилмайди.
Изоҳ (0)