Украинадаги янги дон экинлари мамлакатдаги омборхоналарга сиғмайди. Бу ҳақда БМТнинг Истанбулдаги махсус мувофиқлаштириш марказидаги маълумотларга таяниб, «Коммерсантъ» хабар бермоқда.
Қора денгизнинг ғалла ташаббуси билан чиқиши бироз бўлсада жой бўшатди. Аммо кейинги ҳосилга жой очиш учун кўпроқ донни экспорт қилиш керак, — дейди БМТнинг Истанбулдаги махсус мувофиқлаштириш маркази вакили Амир Абдулла.Ҳозирда Украинадаги дон омборларида миллионлаб тонна дон сақланмоқда.
28 август куни Туркия Миллий мудофаа вазирлиги, донли олтита кема Украина портларидан чиқиб кетгани ҳақида хабар берди.
Шу билан биргаликда, кеча Украина президенти Владимир Зеленский мамлакат «дон шартномаси» тузилганидан кейин Одесса вилояти портлари орқали 1 миллион тонна озиқ-овқат экспорт қилганини маълум қилди.
22 июль куни Истанбулда Россия, Украина, Туркия ва БМТ ўртасида Украина портларидан ғаллани жаҳон бозорларига етказиб бериш учун хавфсиз экспорт қилишни кўзда тутувчи «дон битими» тузилганди.
Украинада 26 августга қадар умумий 6,6 миллион гектар майдондан 25,3 миллион тонна ғалла ва дуккакли экинлар йиғиб олинди. Ўтган йили эса бу ҳосил кўрсатгичи 84 миллион тоннани ташкил этган эди.
Изоҳ (0)