Ukrainadagi yangi don ekinlari mamlakatdagi omborxonalarga sig‘maydi. Bu haqda BMTning Istanbuldagi maxsus muvofiqlashtirish markazidagi ma’lumotlarga tayanib, “Kommersant” xabar bermoqda.
Qora dengizning g‘alla tashabbusi bilan chiqishi biroz bo‘lsada joy bo‘shatdi. Ammo keyingi hosilga joy ochish uchun ko‘proq donni eksport qilish kerak, — deydi BMTning Istanbuldagi maxsus muvofiqlashtirish markazi vakili Amir Abdulla.Hozirda Ukrainadagi don omborlarida millionlab tonna don saqlanmoqda.
28-avgust kuni Turkiya Milliy mudofaa vazirligi, donli oltita kema Ukraina portlaridan chiqib ketgani haqida xabar berdi.
Shu bilan birgalikda, kecha Ukraina prezidenti Vladimir Zelenskiy mamlakat “don shartnomasi” tuzilganidan keyin Odessa viloyati portlari orqali 1 million tonna oziq-ovqat eksport qilganini ma’lum qildi.
22-iyul kuni Istanbulda Rossiya, Ukraina, Turkiya va BMT o‘rtasida Ukraina portlaridan g‘allani jahon bozorlariga yetkazib berish uchun xavfsiz eksport qilishni ko‘zda tutuvchi “don bitimi” tuzilgandi.
Ukrainada 26-avgustga qadar umumiy 6,6 million gektar maydondan 25,3 million tonna g‘alla va dukkakli ekinlar yig‘ib olindi. O‘tgan yili esa bu hosil ko‘rsatgichi 84 million tonnani tashkil etgan edi.
Izoh (0)