Тошкент вилояти Оҳангарон шаҳрида ота фарзанди учун алимент пули ўрнига 2 хонали уй берди. Бу ҳақда Мажбурий ижро бюроси ахборот хизмати хабар қилди.
Бюронинг Оҳангарон шаҳри бўлими иш юритувида фуқаролик ишлари бўйича Оҳангарон туманлараро судининг 2018 йилдаги ижро ҳужжатига асосан, қарздор Ў.А.дан ундирувчи З.А. фойдасига бир нафар вояга етмаган фарзанди учун ¼ қисм миқдорида алимент ундириш ҳақидаги ижро иши мавжуд бўлган. Мазкур ижро ҳужжати бўйича бўлим давлат ижрочилари томонидан 4 йил давомида ижро ҳаракатлари олиб борилган.
Қарздорнинг таклифи ва ундирувчининг розилиги билан қарздор Ў.А.га тегишли бўлган, Оҳангарон шаҳрида жойлашган кўп қаватли уйлардан 2 хонали хонадон қиз фарзанди вояга етгунга қадар тўлаши керак бўлган алимент ҳисобидан унинг номига ўтказиб берилди. Келишув нотариал идораси орқали расмийлаштирилиб, ижро ҳужжати амалда иш юритувидан тамомланди.
Изоҳ (0)