Қозоғистоннинг Павлодар вилоятидан Тожикистон ва Ўзбекистонга ноқонуний йўллар билан вагонларда бензин олиб ўтилаётгани аниқланди, деб хабар беради Tengrinews.
Қайд этилишича, Павлодар вилоятидан ташқарига ёқилғини ноқонуний олиб чиқиб кетиш билан боғлиқ иккита фактга чек қўйилган.
Бир компания антидетонатор ёнилғи сифатида ўнта вагонни Тожикистон ва Ўзбекистонга олиб ўтмоқчи бўлган. Ҳозирда тергов ҳаракатлари олиб борилмоқда.
«Қўшимча намуналар олинди, экспертиза ўтказилди. Ҳозирда тергов давом этмоқда», — дейилади хабарда.
Қўшимча қилинишича, терговга оид бошқа маълумотлар ошкор этилмаган.
Изоҳ (0)