Электр автомобиль ишлаб чиқарувчи Tesla компанияси 2022 йилнинг иккинчи чораги учун ҳисобот берди. Унга кўра, биткоиннинг қадрсизланиши компаниянинг иккинчи чоракдаги фойдасига таъсир ўтказди.
Компания ўз биткоинларининг тахминан 75 фоизини fiat валютасига айлантирди, бу унинг балансига 936 миллион доллар қўшди.
Илон Маск Хитойдаги COVID’га қарши чекловлар шароитида ликвидликни ошириш учун уларни сотиш зарурлигини тушунтирди, — деб ёзади нашр.
Маск криптовалюталарнинг сотувини «биткоинга ҳукм» сифатида қабул қилмасликка чақирди ва компания келажакда криптовалютадаги маблағларини кўпайтирмоқчилигини қўшимча қилди.
Компаниянинг даромади Refinitiv прогнози 17,1 млрд долларга нисбатан 16,93 млрд долларни ташкил этди.
Ҳар бир акция бўйича даромад кутилган 1,81 долларга нисбатан 2,27 долларни ташкил этди.
Компания таъминот занжиридаги глобал узилишлар ва ишчи кучи танқислиги, бошқа муаммолар қаторида заводларнинг тўлиқ қувват билан ишга тушишига тўсқинлик қилган.
Савдолар ёпилгандан сўнг компания акциялари 1,45 фоизга ўсмоқда — ҳар бир акция учун 753,3 долларгача.
Tesla 2021 йил февраль ойида биткоинга 1,5 миллиард доллар сармоя киритган. Ўша йилнинг март ойида Илон Маск АҚШда биткоинлар учун автомобиллар сотуви бошланганини эълон қилиб, кейинчалик фикрини ўзгартирган.
Аввалроқ Tesla июль ойида Хитой ва Германиядаги заводлари ишини тўхтатиши ҳақида хабар берилганди.
Изоҳ (0)