Қозоғистон Миллий хавфсизлик қўмитаси собиқ раҳбари Карим Масимов ва унинг ўринбосарларига нисбатан жиноят иши бўйича суриштирув якунланди

Қозоғистон Миллий хавфсизлик қўмитаси (МХҚ) қўмита собиқ раиси Карим Масимов ва унинг ўринбосарларига нисбатан жиноят ишини текшириш якунланганини эълон қилди, деб ёзади Kazinform.

Карим Масимов ва «А» махсус топшириқли хизмат собиқ бошлиғи Ануар Садикуловнинг Қозоғистонда январь воқеалари чоғидаги хатти-ҳаракатлари учта модда бўйича тавсифланди, булар — давлатга хиёнат, ҳокимиятни куч билан эгаллаб олиш, ҳукмронликни ва лавозим ваколатларини ошириб юбориш ҳақидаги моддалардир.

Масимовнинг собиқ ўринбосари Даулет Ергожинга нисбатан ҳокимиятни куч билан эгаллаб олиш, ҳукмронликни ва лавозим ваколатларини ошириб юбориш ҳақидаги моддалар илгари сурилмоқда. МХҚ раҳабрининг яна бир собиқ ўринбосари Марат Осипов ҳукмронликни ва лавозим ваколатларини ошириб юборишга гумонланмоқда. Худди шу модда бўйича гумонланувчи сифатида муассасанинг яна икки ходими айтиб ўтилди.

Айни пайтда барча гумонланувчилар иш бўйича ҳужжатларни ўрганиб чиқмоқда. Масимов ва Садикулов учун ҳибсда сақлаш муддатлари 2022 йил 6 октябргача, Егоржин учун — 13 октябргача, Осипов учун эса 22 октябргача узайтирилди.

Карим Масимов Қозоғистонда 2022 йил 6 январь куни январь намойишлари чоғида МХҚ ходимлари томонидан қўлга олинган эди. Кейинроқ унинг собиқ ўринбосарлари ушланди.

56 ёшли Карим Масимов Нурсултон Назарбоевнинг азалий маслакдоши бўлиб, 2016 йил сентябрда МХҚ раиси лавозимига тайинланган. Бунгача у ҳукумат раҳбари бўлиб ишлаган. Биринчи марта у 2007 йилдан 2012 йилгача, иккинчи марта эса 2014 йил апрелидан МХҚ раислигига тайинлангунига қадар бош вазир лавозмида фаолият юритган.