2022 йилнинг август ойида Дубай халқаро аэропорти 4,1 миллион йўловчини қабул қилди ва Лондоннинг Xитроу аэропортини ортда қолдириб, дунёдаги энг гавжум халқаро аэропортга айланди.
Авиация компанияси ОАГ хабар беришича, Дубай халқаро аэропорти август ойида 4,1 миллион одамни қабул қилган. 2022 йилнинг иккинчи чорагида аэропорт 14,2 миллион йўловчини рўйхатга олган, бу ўтган йилга нисбатан 190,6 фоизга кўп.
Августда гавжум бўлган аэропортлар рўйхатида иккинчи ўринни Лондоннинг Xитроу аэропорти эгаллади — у 3,4 миллион кишини қабул қилган. Шунингдек, кучли ўнталикдан Амстердам (3,15 миллион киши), Парижнинг Шарл де Голл (3,14 миллион), Истанбул (2,9 миллион), Франкфурт (2,9 миллион), Доҳа (2,2 миллион), Лондоннинг Гатвик (2,094 миллион), Сингапурдаги Чанги (2,089 миллион) ҳамда Мадрид (2,012) аэропортлари жой олди.
Энг яхши йўналишлар ўнталигига Дубай – Ар-Риёд, Мумбай – Дубай, Дубай – Лондон, Дубай – Жидда, Деҳли – Дубай ва Баҳрайн – Дубай йўналишлари кирди. Куала-Лумпур — Сингапур йўналиши энг оммабоп деб топилди: ундан 325 350 киши фойдаланган.
Изоҳ (0)