АҚШ президенти маъмурияти яқин ҳафталар ичида ўзининг Украинага ёрдам бўйича миссиясига ном бермоқчи, шунингдек, унинг раҳбари сифатида бир генерални тайинламоқчи. Бу ҳақда The Wall Street Journal америкалик мансабдорларга таяниб хабар берди, деб ёзади «РБК». У мамлакат ҳукуматининг Киевга ёрдам кўрсатиш ва ҳарбийларни ўқитиш бўйича саъй-ҳаракатларига раҳбарлик қилади.
Миссияга ном берилиши АҚШнинг ҳарбий нуқтаи назардан саъй-ҳаракатларининг расмий тан олиниши бўлади, деб ёзади, худди шу тарзда Пентагон ўзининг Ироқ ва Афғонистондаги операцияларига ҳам ном берганди («Ироқ озодлиги, «Мустаҳкам озодлик» ва бошқалар).
Кўмак ва тайёрлаш бўйича миссияга ном бериш қарори бюрократик жиҳатдан катта аҳамиятга эга, чунки бу одатда узоқ муддатли мақсадли молиялаштириш ва ушбу операцияда иштирок этаётган ҳарбий хизматчилар учун махсус тўловлар, мукофотлар тайинлаш имкониятини келтириб чиқаради. Нашр қайд этишича, икки ёки уч юлдузли (генерал майор ва генерал-лейтенант тушунчаларига тенг) бўлиши кутилаётган генералнинг тайинланиши координация учун масъул жамоа яратилишини, шунингдек, асосан маълум нуқтага қаратилган саъй-ҳаракатлардан Украинага кўп йиллар давомида таълим ва кўмак тақдим этишга ўтишни акс эттиради.
25 август, чоршанба куни АҚШ президенти Жо Байден Украинага 2,98 миллиард долларлик энг йирик ҳарбий ёрдам пакети тақдим этилишини эълон қилди, унга қурол-яроғ ва аслаҳалар киради. Байден аниқлик киртиишича, ушбу транш Киевга ҳаво ҳужумига қарши мудофаа тизимлари, артиллерия, у учун ўқ-дорилар, ракетага қарши учувчисиз ҳаво тизимлари ва радарлар сотиб олиш имконини беради.
Изоҳ (0)